insomnia permanent

alah jam duo malam manjalang pagi pulo kironyo. nan mato ko, antah apo lah panyakiknyo ko. lah takantuak tapi ndak juo amuah dilalokkan. den calik tv, ndak ado lo acara nan santiang do. den bukak pesbuk, bbm, twitter, instagram, ndak lo ado nan bisa di ajak maota" do. lah ka path. watsap. line kakao bagai, lah abih lalok kironyo. mungkin operatornyo gai lah lalok agaknyo. ado niaik ka main camprog, tapi ndak pandai. heheh tapasolah den menghayal se surang diri. maetong untuang jo parasaian, jo labo galeh gai sakalian. sadang den mangalai" tamanuang, takana maso" nan lamo. (galak" surang den jadinyo). bukan maso sapayuang kito baduo bukan pulo maso kisah kasih di sakolah. nan takana maso" jo kawan" nan lah lamo ndak basuo. nyo lah abih babini ( lah takabek) jadi lah jarang sangaik basuo. kalau di caritoan, banyak sangaik kisah" nan sangaik inspiratip kecek urang. ado pado suatu maso, ( once upon a time) bahaso galuduanyo. katiko harago rokok malambuang naiak, pancarian sadang sandek, seo rumah naiak pulo. ongkos angkot lah sato pulo. disitu taraso indahnya kebersamaan. lain dulu lain sekarang, lai makan tapi ndak kanyang, lai bapitih tapi kurang, lai babulu tapi jarang, lai marokok tapi ngutang, lai pitnes kadang kadang, dulu sixpack kini lah ilang, lai bakotak tapi gadang, dado bidang lah tingga tulang. kaki ketek sarawa lapang. baju distro lah balubang" . sipatu tuka jo tarompa japang. lah banyak cewek nan mailang..... "PARASAIAN" ops. den pipis santa lu...... . lah, diulang liak cito tadi. maso" katiko tu iduik den acok kakurangan. tapi den bahagia jo kawan" saparasaian. kawan" salapiak sakatiduaran. nan acok basiarak bakaruak arang. gara" basisilak mambuek kopi. kawan main song taroh cuci piriang. kawan bakoa, sia kalah sapik talingo. kawan pai kian kamari yo modal sayuik. kadang pulang jalan kaki. heheh itulah saketek dari banyak nan takana diden. maso" marasai nan manyanangkan. iduik ndak salamonyo kakurangan. indak pulo bakacukuik an. kecek urang sarupo roda padati. baputa kateh kabawah. kadang diateh kadang dibawah. tibo di bawah kadang" patah. takdir tu namonyo.hahaha tapi apo yang lah den lalui dalam iduik ko. baiak sanang atau marasai.. (kini marasai juo baru.. hehe) selalu ado jalan kalua dari tiok masalah. salalu ado urang nan paduli. salalu ado kawan nan siap mambantu. tarutamo sakali salalu ado Allah nan manjago... alah se dulu tu. lah panek den mangetik. mungkin bisuak atau bilo"nyo den tambah. atau den apuih bana... respect to all my friend <3